Hoekom Seagull?

Baie dankie vir ‘n fantastiese toer Linde en Elizabeth.

Puik toerleiers, goed gekwalifiseerde gidse met ‘n wye kennis van die natuur, 5 ster akkomadasie, heerlike etes 3 keer ‘n dag Julle organisisasie is uit die boonste rakke Ons kan julle toere met ‘n oop hart aanbeveel.

Dankie vir die onvergeetlike ervaring! Elke oomblik wat ek my oë wou knip het ek dit so vinnig as moontlik gedoen want jy wil tog net niks mis nie. Seagull het weer voortreflike diens gelewer!

Die Seagull Panama/Cuba/Mexico – toerprogram is ’n fasinerende, keurig-saamgestelde en gebalanseerde reis vir beide die leek/professionele reisiger wat koloniale (Spaanse) geskiedenis, argeologie/antropologie, natuurskoon, kunste en die rykheid van tradisioneel en modern menslike ontwikkeling verweef. Die reisiger word meegesleur deur ’n kleurvolle samesmelting van skeppings; musiek, vrolikheid, maar ook aanpassing by moeilike omstandighede verpak in ’n gees van lewensgenietinge wat die waarnemer se battery laai en met hoop vervul die plaaslike burgers ervaar. Die program is uiters sorgvuldig bestuur, met ’n entoesiastiese, topklas toerleier, gidse, busbestuurders, aangename akkomodasie en reislogestiek wat die reisiger totaal laat ontspan. Die program word aanbeveel as ’n onvergeetlike ervaring, ’n belewenis van deelnemende waarneming wat die reisiger verryk huis-toe laat keer.

Hujambo Malaika,

Selfs in hoof letters voel SAFARI NZURI SANA asof dit nie die toer reg kan opsom nie!
Hierdie toer was nie net “een afteken op die bucket list” nie.
Dit was werklik ongelooflik gewees.

Jou deernis en gevoel vir die mense van Tanzanië spreek boekdele.
Dankie vir die ingesteldheid op die individu op hierdie wegbreek vakansie.
Die vinnig rondskarrel om (onverwagte) spesiale geleenthede vir mense op hierdie toer nog meer spesiaal te maak.
Ons het altyd gevoel of ons net die beste kry.
Jy het die vakansie werklik besonders gemaak.

Sonder Harlequin sou die toer natuurlik ook nie dieselfde gewees het nie.
Hy is ’n besonderse mens & toergids.
Sy kennis oor die veld, die insekte, plantegroei en diere en ook die Tanzaniërs is verstommend.
Sy oë is ongelooflik skerp en hy is vinnig met die regte name vir plante, voëls & diere.
Hy praat ’n baie goeie Engels en ook sy verduidelikings is uitstekend.
En dan natuurlik ook sy humor sin!
Ons gaan jou mis Harlequin as ons ooit weer op ons eie in ’n wildtuin rondry!

Ons het die toer op ons eie begin – niemand geken nie.
Weereens hier was julle vermoë om die regte persone in ’n voertuig te groepeer uitstekend.
Ons het as vreemdelinge in die voertuig geklim en wonderlikke vriende gemaak, menige aand met seer maagspierie en permanente glimlagte by die kamp opgedaag.

Hopelik kan ons weer in die toekoms die geleentheid kry om saam te toer!

Asante sana rafiki

I was priviledged to be on the recent tour to Morocco, led by Les Clark. It was a wonderful experience which lived up to my every expectation, well organized and the country is as exotic as the names sounded.  Les has every situation well in hand, and our guide. Hassan, was a treasure. I would like to recommend you use him again. Many thanks for this long awaited pleasure.

I would personally like to thank you for a wonderful tour to Europe in December 2015. I enjoyed every minute; the programme was full of lovely surprises, the hotels could not have been better and your arrangements went smoothly from beginning to end. Your friendliness and gentle manner was appreciated by us all.

Beste Seagull,

Graag wil ek ook net van my kant baie dankie se vir ‘n wonderlike ondervinding. Om so baie diere te sien was asemrowend. Ons toergidse / bestuurders was besonders. Altyd professioneel, vriendelik met soveel kennis van die omgewing dat ons almal baie geleer het. Jul gebruik voorwaar die beste. Ons akkommodasie was gerieflik, skoon en met goeie kos deurgaans.  Dit was beslis elke sent/rand werd.

Doen so voort.

Liewe Elizabeth,

Ek wou jou bel, maar ons is in ʼn oopplan-kantoor en ek is bang ek huil weer

Ek wil net vir jou VREESLIK dankie sê vir al jou moeite en hulp met Jon se verlowingplanne!

Julle het my wraggies uitgevang en ek sal dit nooit vergeet nie!!!!

Ek weet nie hoe julle dit reggekry het nie, maar ek het nie vir ʼn oomblik iets vermoed nie. WELL DONE! Hahahaha

En ook jammer dat ek nie so gretig geklink het om na die ‘nuwe lodge’ te gaan kyk nie, ek was nie mooi seker wat van my verwag was nie, maar ek dink nou dit is die beste lodge met die mooiste uitsig, geriewe en diens op aarde Jon het seker vir julle alles vertel!

Baie baie baie baie baie dankie weereens dat julle dit so maklik en ekstra spesiaal gemaak het vir my en Jon. En die res van die toer was net so besonders. Ons is so gelukkig dat ons hierdie kon ervaar het. Die kos, die verblyf, die gidse, DIE DIERE! Alles het net heeltyd glad verloop en selfs met die min slaap sal ek dit 100 maal wil oordoen en my hele familie wil saambring.

Hopelik gaan ons (nie te ver in die toekoms) weer met julle te doene hê. En hopelik is Liezel dan weer saam! Sy was ʼn toerleier tienduisend =)

Ons begin nou ʼn bucket list van toere en plekke wat ons in ons leeftyd wil sien en doen, en hopelik is Seagull deel van ʼn hele paar!

Julle is tog deel van ons storie se ‘begin’ – hopelik kruis ons paaie gereeld op my en Jon se lewensreis saam. =)

ONVERGEETLIK!

Baie liefde & groete

Linde,

Baie dankie dat jy ons toerleier was.

Eleonore en ek het die Tanzania-toer baie geniet en dit het al ons verwagtinge oortref!

Dankie ook vir al die reëlings deur jou en jou personeel asook jul vriendelikheid en hulpvaardigheid.

Indien ons beplan om weer te toer, sal ons jou beslis kontak.

Groete,

Hi Elizabeth

Ek wil net persoonlik dankie sê vir die toer en die wyse waarop jy alles hanteer het.  Dit was puik.

Jy is voorwaar iemand wat met mense kan werk – jy het elkeen van ons spesiaal laat voel.

Die “cherry”  op die koek was toe jy met Rona se verlore beursie uitasem by “gate 2”  aangekom het – dit was voorwaar ‘n “blessing” .  Ek glo ons ABBA vader het jou daar gebruik om ons almal, maar veral vir Rona te seën.

I would personally like to thank you both for a wonderful tour to Europe in December 2015. I enjoyed every minute; the programme was full of lovely surprises, the hotels and Amadeus could not have been better and your arrangements went smoothly from beginning to end. Your friendliness and gentle manner was appreciated by us all. I hope you had a wonderful Christmas and my best wishes for the new year.

Kind regards,

Seagullspan,

Linde en ons “unbeatable” gids Halit Ons het Saterdag, 6 September 2014, geland vanaf Turkye. “Money well spend”.
Ons Robertsonners is bederf en nogmaals bederf deur julle daar in Turkye. Ons het nie woorde om alles te beskryf nie. Vanaf die opklim hier in die Kaap totdat ons weer hier geland het, was een groot belewenis. Onvergeetlik! Gelag en gelag! Vrekwarm, maar heerlik. Ons weet nou alles van Turkye en sy gewoontes, onderwijs, politiek, medies, boerdery, alles,alles, danksy Halit.

Baie, baie, baie, baie dankie.

Beste Elizabeth

Net om baie, baie dankie te sê vir die wonderlike Migrasietoer wat Seagull vir ons gereël het. Elke dag was vir ons ‘n vingerlek lekkerte. Aan die einde van elke dag het ons met verwondering gesê: Dit was wonderlik, dit was lekker, dit was verstommend mooi (massas wildebeeste, massas flaminke)!  En die natuur: amazien! Alles so glad verloop en dankie aan Thys vir sy bydrae om ons daaglikse paadjie te plavei. Ons gids/bestuurder van die voertuig waarin ons 4 van PE gery het, was Maulidi.  Wat ‘n genotvolle persoon!  Sy kennis van dier en veld, sy bedagsaamheid, en daardie humorsin! het ons 6 sommer lief gemaak vir die man. Hy is ‘n juweel!  Baie dankie aan almal by Seagull wat die lekkerte vir ons  moontlik gemaak het! Mag jul van krag tot krag gaan en bid jul toe die seën van ons Hemelse Vader.

Vriendelike groete

Liewe Linde

Dis moeilik om die woorde te vind om my waardering uit te spreek vir die manier waarop Seagull dinge doen.Ek was eindeloos beïndruk met die professionaliteit, maar ook met die hartlikheid en die menslikheid in die persoon van Linde. Ek dink sommeer aan die hantering van die baadjie-episode met Annaleen – iets wat julle maar in die annale moet opteken.  Ek dink ook aan die rolstoel vir Marianne by die lughawe – so vinnig en so bedagsaam gereël.
Dis ‘n uitstekend-saamgestelde pakket vir ‘n toeris.  Op dié resep kan julle maar voortbou. Dit was een van die verrykendste ervarings van my lewe.
En dan – last but not least – julle keuse van die gids Hailit.  Oor hom kan mens ‘n lofsang sing.  Beskaafd, ingelig, belese, spel al die slagysters duidelik uit, so ook die tyd en plek van ontmoeting. Goed geklee en ‘n plesier om na te kyk en te luister.
Ek stuur vir hom ‘n boek na Seagull se adres wat jy asb vir hom by die volgende ontmoeting moet oorhandig, Linde.  Dis Marié Heese se wetboek oor Justinianus en Theodora  – The Power of One – waarvoor sy uitgevlieg is Turkye toe.
Ek sou graag die Oos-Europatoer wou meemaak, maar ek moet my man Manie in ag neem. So: hopelik nie vaarwel nie, maar tot wederziens.

Hallo Elizabeth

Ons kan nie glo ons is al amper n week weer terug van n ongelooflike toer saam met Kobus uit Tanzanie nie.Ons wil net baie baie dankie se vir hierdie ervaring wat ons kon mee maak,dit was wonderlik wonderlik en alles was so puik gereel!!
Kobus is n ster al die ander toerlede is fantastiese mense en julle gidse is uitstekend! Nogmaals baie dankie aan julle almal.

Beste groete

Beste Linde,

Sedert ek terug is van Ethiopia gaan dit redelik dol met my.  Onmiddellik terug in die tuig, maar dis ook okay. Ek skryf net om dankie te sê vir die wonderlike, interessante toer.  Wat ek daar gesien en beleef het, was iets so unieks.  Dit was ook my eerste keer saam met ‘n groep.  Aanvanklik was ek ‘n bietjie gespanne, maar reeds op Oliver Thambo lughawe is ons so vriendelik ontvang deur Thijs van der Merwe en sy vrou.  Al my voorbehoude was gou iets van die verlede. My reisgenote was so ‘n aangename klomp mense.  Ek kan nie vir beter gewens het nie.  Die Ethiopiese toerleier, Melaku was net so aangenaam, so ook die busbestuurder Adan.  Hy ken sy land en hulle geskiedenis en hy het uit sy pad gegaan om dit vir ons so interessant moontlik te maak.  Wat ek in Ethiopia gesien het, sal my altyd bybly.Ons vriendin Annelize van der Ryst, vertel my van Seagull se interessante toer na Turkeie.  Ek en Danie (my man) stel baie belang.  Dis die een waar uself die toerleier is, saam met ‘n Turkse professor wat verbonde is aan die Universiteit van Istanbul.  As daar dalk volgende jaar weer so ‘n toer is, wil ek sommer nou al bespreek.  As u my kan laat weet watter tyd van die jaar die toer gewoonlik plaasvind, sal ek dit baie waardeer. Nogmaals dankie vir ‘n stunning toer in Ethiopia.‘n Groot dankie ook aan Riana wat al die reëlings getref het.  Alles het so goed verloop.

Vriendelike groete,

Goeie more!

Dit neem my gewoonlik ‘n goeie paar weke by die huis om die onttrekking simptome te oorkom! Maar ek het nou so min of meer vrede gemaak daarmee dat dit nie soos Bled lyk buite, as ek by die venster uitkyk nie.

Elizabeth, baie dankie dat jy die vakansie vir ons so onvergeetlik gemaak het. Die toer was alles wat ek gehoop het dit sou wees. Die reën in Slovenië was soos manna vir die siel, die turkoois-blou water in Kroasië soos ‘n lafenis. Herfs is my mooiste mooiste seisoen en  sowaar:  hier was dit op sy mooiste. Dankie dat jy so professioneel en in beheer was die hele tyd sonder om ‘n oomblik afsydig te voel. Jy was net ‘n ster!!

Ek glo al  jou toermense nooi jou om na die tyd te kom kuier, maar ek en Hentie wil jou regtig nooi om vir ons hier in die noorde te kom kuier. Kom maak ‘n draai, ons wil jou ook terug bederf!
Alles wat mooi is vir jou. Hoop ons ry sommer gou weer saam iewers heen!

Liefde

Hallo

Ek en Willie wil net baie baie dankie sê vir die wonderlike toer wat ons saam met julle kon meemaak. Dit was ongelooflik mooi en baie lekker. Baie dankie ook aan Christel vir haar vriendelikheid, sy was ‘n wonderlike toerleidster wat uit haar pad gegaan het om alles so gerieflik moontlik vir ons te maak.
Ook was sy glad nie dominerend nie, maar het tog die hele groep in ag geneem en almal hul privaatheid gegun. Ons het altyd geweet wat aangaan en het dit terdeë geniet. Ons sal defnitief weer van Seagull gebruik maak en julle aanbeveel by al ons vriende.

Baie dankie!

Liewe Seagull span

Ons is min of meer “gesettle and back to normal”!! Ek en my kamermaat wil weereens net vir jou en die Seagull span,  BAIE BAIE DANKIE sê vir ’n ongelooflik wonderlike toer.   Dit was uitstekend georganiseer en baie spesiaal! Ons het elke oomblik daarvan terdeë geniet.   Seagull het 100% daarin geslaag om dit vir ieder en elk van ons ’n onvergeetlike ondervinding te maak en om sodoende sommer baie vuurmaakhoutjies vir die ou dag bymekaar te maak!  ’n Baie spesiale dankie vir die geskenkies, ook met ons troudag herdenking. Dit het die dag ekstra spesiaal gemaak. Ons het nog nooit so ’n heerlike herdenking en op so ’n spesiale plek gehad nie. Ons voel besonder bevoorreg!  Nog ’n spesiale dankie vir die uitstappie wat julle vir ons in Istanbul, tussen die spul Moslems, gereël het.   Dit het meegebring dat al die kinders en werknemers elkeen ’n syserp gekry het!  Ons sal Turkeye verseker later bezoek  Ons sal definitief weer van Seagull gebruik maak, vir toekomstige toere. As jy weer met Martin in kontak is, dra tog asb. ons mooiste en beste wense aan hom oor, saam met ons hartlikste dankbetuiging.
Nogmaals  BAIE  DANKIE.

Met vriendelike groete en ons beste wense uit die Noord-Kaap.

Ons wil net graag dankie sê vir ‘n onvergeetlike Seagull toer wat jy uitstekend gelei het.  Die toer het al ons verwagtinge oortref. Daar was nooit tekens van besparing nie en daar is altyd moeite gedoen dat ons nuwe ervarings kon beleef.  Ons sal Seagull altyd aanbeveel want dit was waarde vir geld.  Malley, ons gids het ons beïndruk met sy kennis, geduld, entoesiasme en finesse. Die toer was ‘n absolute hoogtepunt wat ons nog baie lank sal onthou! Hoop jy is al uitgerus.

Groete

Liewe Elizabeth,

Dit is met groot waardering wat ek jou mooi briefie aan al die oor/60’s lees.
Die Serengeti en Ngorongoro was vir my ‘n jare lange begeerte om te sien en jy het daardie ervaring met soveel oorgawe aan my oorgedra.
Dit was net so fantasties hoe jy van ‘n foutjie buite jou beheer die sameroeper word om na die tanzaniet kantore te gaan en almal was
tevrede. Jy weet seker dat daardie besoek my ‘n klomp geld gekos het ,maar ja, Moekie my vrou hou toe daarvan.

Die Kruger Wildtuin en my eie Selati Wildreservaat sal nooit weer dieselfde wees nie. Moekie was heel jaloers oor die vertellings en fotos
en hoewel sy lief is vir die bos, voel sy Afrika is nie vir haar nie. Hopelik oor so 3 jaar doen ons dit weer en sal sy van opinie verander.

Weereens wil ek jou bedank vir jou besondere vermoë om mense te organiseer en jou eie liefde vir die natuur aan ander oor te dra. Ek glo al
die ander in ons toergroep voel dieselfde.

Groete

Elizabeth,

Wonderlik om van jou te hoor. Hiermee wil ek graag vir jou baie dankie sê vir ‘n onvergeetlike tyd. Jy is die beste toerleier ooit. Jou vriendelikheid en opgeruimdheid het ook baie bygedra tot die heerlike vakansie. Daar was nooit enige haakplekke of probleme met die reelings nie. Alles was puik gereel! Ons sal verseker ons volgende toer weer deur Seagull reel. Jy moet asb met ons kontak behou.

Liefde

Elizabeth

Soos dit maar gaan na ‘n wonderlike vakansie is alles mos onderstebo, maar gelukkig het ons wonderlike herinneringe van die vakansie.Die woord dankie is net nie genoeg om te beskryf hoe lekker julle dit vir ons gemaak het nie.  Almal aan hierdie kant vra vir ons hoe was dit, maar die woorde om dit te beskryf is daar net nie.Al wat ons dan sê is:  ” Bel vir Elizabeth en reël jou toer, dis die moeite werd.”As ons die liedjie “Jumbo” luister verlang ons regtig na almal wat dit sooo lekker gemaak het.

Liefde

Seagull you are a ” Star” from a grey haired pensioner who appreciates your excellent service.

Next year when we take our American family to the Serengeti we will definitely  book via you.

Have a good evening,

Liewe Linde,

Ek wil net baie dankie sê vir die wonderlike toer wat ek saam met Seagull en jou na China kon mee maak. Die was ‘n onvergeetlike ervaring en die georganiseerde manier waarop julle die toer gereël het, het dit ‘n stresvrye en ontspanne reis gemaak. Die plekke wat ons besoek het, was almal die moeite werd en die aandag aan detail was uitstekend. Jou persoonlike betrokkenheid was wonderlik en jou geduld, besorgdheid en ondersteuning plus faktore.  Ek het baie lekker saam met julle getoer en goeie nuwe vriende gemaak. Baie dankie. Ek heg ‘n paar fotos waarop jy veskyn aan.

Lekker toer

Groete

Liewe  Linde,

Hoe sê ‘n mens dankie vir iemand wat so baie moeite gedoen hetOm ‘n toer ‘n onvertgeetlike gebeurtenis te maak?? Maar nietemin wil  ek en Solly graag vir jou baie, baie  dankie sê vir hierdie toer watJy vir ons gereël het.  Dankie vir al die ekstras wat ons gekry het, die bottel wyn, glasies,Boekie, die turkse lekkers en… en…en asook die goeie gids (Halit) wat sy land op so ‘n voortreflike manier aan onsBekend gstel het.   Jou vriendelikheid, gasvryheid en hulpvaardigheid het nie ongesiens verbygegaan nie. Ek het jou nogal vanoggend beny toe jy oor RSG gepraat het, om weer al daardie wonderlike plekke teKan besoek, ,maar dalk doen ek dit weer eendag  saam met jou & Seagull. Ons wil jou dan ook nooi om by ons te kom kuier of te kom oorslaap as jy ooit deur Beaufort Wes ry.

Groete uit SA en nogmaals dankie,

Beste Seagull,

Baie dankie vir jou uitstekende reelings na Turkye en in Turkye self. Alles het glad verloop met geen probleme nie. Ek hoop om gou weer van Seagull gebruik temaak vir een of ander wonderlike toer saam met julle.

Groete,

Liewe Linde,

Baie dankie vir ‘n wonderlike reis waaraan ek nog daagliks dink en dinge onthou. Julle het vir my ‘n geskiedenis en land oopgesluit waarvan ek bitter min geweet het.Dankie vir al die geskenke en al die opwindende dinge wat julle vir ons laat doen het. Ek wil jou gelukwens met die professionele en gemaklike manier waarop jy die toere reël en inrig. Dit is regtig puik. Die toer was vir my ‘n lewensverreikend en ook ‘n wonderlike geestelike ervaring.

Sterkte vir jou ander toere en stuur baie groete vir Elizabeth.